Popular Bible Verses from TAGA ROMA 6

Share

Ta dagiti supapac ti basol isu ni patay; ngem ti naparabur a sagut ti Dios isu ti biag nga agnanayon, ken Jesu-Cristo nga Apotayo.

Ta ti basol di agarinto cadacayo; ta awancayo iti babaen ti linteg, no di iti babaen ti parabur.

Naitanemtayo ngarud a naikanunong kencuana, gapu iti pannacabautizar iti patay: tapno cas iti panagungar ni Cristo cadagiti natay gapu iti dayag ti Ama, casta met a magnatayo coma iti baro a panagbiag.

Ket dicayo met idaton iti basol dagiti camcamengyo, nga aruaten ti kinadakes; no di ket idatonyo dagiti bagbagiyo met laeng iti Dios, a cas cay la napapungar cadagiti natay, ken dagiti camcamengyo, nga aruaten ti kinalinteg a maipaay iti Dios.

Nga ammotayo a ti daan a kinataotayo nailansa iti cruz a naicanunong kencuana, tapno mapucaw iti bagi ti basol, tapno ditayo patagabun iti basol.

Casta met nga ibilangyo ti bagiyo a natayen iti maipapan iti basol, ngem sibibiag ken Jesu-Cristo a maipaay iti Dios.

Ania ngarud ti cunatayo? Adtalinaedtayo iti basol, tapno umadu ti parabur? Ni caanoman. Daatyo a natay iti basol, casano ti panagbiagtayo pay laeng kencuana?

Dicay ammo aya nga iti pangidatonanyo a siannugot cadagiti bagbagiyo met laeng isu dayta ti mangadipen cadacayo, uray iti basol tapno ipatay, uray iti kinatuloc a maipaay iti kinalinteg?

Ngem yaman pay iti Dios, ta nupay pinaad-adipencayo idi iti basol, nagbalincayo a natuloc iti pusoyo, iti daydiay kita ti sursuro, a nacasursuroanyo; Ket idinto a nacalapsutcayo iti basol nagbalincayo nga adipen ti kinalinteg.