Popular Bible Verses from TAGA ROMA 5

Share

Ngem ti Dios ipatalgedna ti ayatna cadatayo, agsipud ta idinto a managbasoltayo pay laeng, ni Cristo natay gapu cadatayo.

Ket ti inanama saan a pacaibabainan, ta ti ayat ti Dios naiparucpoc cadagiti puspusotayo, gapu iti Espiritu Santo, a naited cadatayo.

Ket saan laeng a daytoy; no di ket agrag-otayo met cadagiti rigrigattayo nga ammotayo a ti rigat pataudenna ti anus: Ket ti anus, pacasuutan; ket ti pannacasuut, inanama

Idinto ngarud a mapalintegtayo gapu iti pammati, addaantayo ti pannakicappia, iti Dios, gapu ken Apotayo a Jesu-Cristo: Gapu kencuana met addaantayo ti pagsercan gapu iti pammati, itoy a parabur, isu a pagtalinaedantayo a sititibker, ket agrag-otayo ti namnamo iti kayag ti Dios.

Ta idi nacapsuttayo pay laeng idi tiempo a pannacaipaayna ni Cristo natay gapu cadagiti managdacdakes.

Nangnangrona pay ngarud, idinto a mapalintegtayon iti darana, maisalacantayto iti pungtot gapu kencuana.

Ta cas gapu iti isusukir ti maysa a tao, dagiti adu naibilangda a managbasol, casta met gapu iti panagtulnog ti maysa, dagiti adu maibilangdanto a nalinteg

Ket saan laeng a casta, no di ket agrag-otayo iti Dios, gapu ken Apotayo a Jesu-Cristo, a gapu kencuana inawattayon ita ti pannacaicappia.