Popular Bible Verses from TAGA ROMA 3

Share

Ta isuda amin nagbasolda ket agcurangda iti dayag ti Dios; Idinto a maibilangda a nalinteg nga awan ti baybayadna gapu iti paraburna, a maaramat ti pannacasubbot nga adda ken Cristo Jesus

Nadiosan a kinalinteg, a magun-odan gapu iti pammati ken Jesu-Cristo, a maipaay cadagiti amin a mamati, ta awan ti pagdudumaan

Isu nga impaay ti Dios a daton ti pannakicappia, gapu iti pammati iti darana, tapno maiparangarang ti kinalintegna, ta gapu iti kinaanus ti Dios pinalabasna dagiti basbasol a naaramid idi; Tapno ti kinalintegna maiparangarang iti agdama a tiempo; tapno maipakita a nalinteg, ken mangpalinteg iti adda pammatina ken Jesus.

Agsipud ta, awanto ti lasag a maibilang a nalinteg iti sango ti Dios gapu cadagiti ar-aramid ti linteg: ta gapu iti linteg maipacaammo ti basol.

Cas adda a naisurat: Awan ti nalinteg, uray maysa; Awan ti macaawat, Awan ti agsapul iti Dios; Simminada amin, nagmaymaysada a nagbalin nga awan kapapay-anda; Awan ti agaramid ti naimbag, awan, uray la coman maymaysa

Panungpalenmi ngarud a ti tao maibilang a nalinteg gapu iti pammati, uray awan dagiti ar-aramid ti linteg.

Ni caanoman: mapapati coma ti Dios uray pay naulbodda coma amin dagiti tattao, cas ti naisurat: Tapno mapalintegca cadagiti saom. Ket agbal-ligica intono umayca iti pangokoman.