Popular Bible Verses from DAGITI PROVERBIO 22

Share

Iruammo ti ubing iti dalan a rebbengna a papanan, ket uray intono lacayen saannanto a pagpanawan.

Ti gunguna ti napacumbaba ken panagbuteng ken Jehova, kinabacnang, dayaw, ken biag.

Ti naimbag a pacasasaoan adadda a pilien ngem iti dackel a kinabacnang, ket ti naayat a parabur adadda ngem pirac ken balitoc.

Dica makigayyem iti tao a managpungtot; ket iti narungsot a tao dicanto makicuyog

Ti addaan naparabur a mata benditonto; ta mangted iti tinapayna cadagiti napanglaw.

Ti manakem a tao madlawna ti dakes, ket aglemmeng; ngem ti nanengneng aglayon laeng ket agsagaba.

Ti nabacnang iturayanna ti napanglaw; ket ti umutang adipen ni nagpautang.

Dagiti nabacnang ken napanglaw agsasaracda: ni Jehova ti namarsua cadacuada amin.

Dica tacawan ti napanglaw, gapu ta napanglaw; dica met parigaten ti sililiday iti ruangan: Ta ni Jehova icanawananto ti biangda, ket rabsutennanto ti biag dagiti mangrabsut cadacuada.