Popular Bible Verses from DAGITI PROVERBIO 21

Share

Ti mangsursurot iti kinalinteg ken kinamanagayat masaracanna ti biag, kinalinteg, ken dayaw.

Dagiti pampanunot ti nagaget agduyosda laeng iti panagrang-ay, ngem amin a naganat gumanat laeng nga agpanglaw.

Siasinoman a mangsalimetmet iti ngiwat ken dilana salacnibanna ti cararuana cadagiti ducducot.

Tunggal dalan ti tao nalinteg cadagiti matana met laeng; ngem ni Jehova gantingenna dagiti puspuso.

Ti cabayo maisagana a maipaay iti aldaw ti gubat ngem ti balligi biang ni Jehova.

Ti panagaramid iti kinalinteg ken kinajusticia adadda a pacaayaywan ni Jehova ngem ti daton.

Awan ti kinasirib wenno pannacaawat wenno patigmaan a maicaniwas ken ni Jehova.

Siasinoman a mangapput cadagiti lapayagna iti ickis ti napanglaw, isu umkisto met, ngem dinto maipangag.