Popular Bible Verses from DAGITI PROVERBIO 1

Share

Ti panagbuteng ken ni Jehova isu ti punganay ti pannacaammo; ngem dagiti maag laisenda ti sirib ken sursuro. Anacco, denggem ti pannursuro toy amam, ket dica bay-an ti linteg ni inam

Ta ti pannacapasanud dagiti nanengneng papatayennanto ida, ken ti naliway a nam-ay dagiti maag pucawennanto ida. Ngem siasinoman a mangipangag caniac agtalinaedto a sitatalged, ket sitatalnanto nga awan butengna iti dakes.

Tapno ti masirib a tao dumngeg coma, ket dumegdeg iti pannacasursuro; ken tapno ti tao a mannacaawat magawatna coma dagiti naingundawayan a patpatigmaan

Anacco, no dagiti managbasol sulisogendaca, dica umanamong cadacuada.

Dagiti proverbios ni Salomon nga anac ni David, ari ti Israel: Ti panangammo iti kinasirib ken sursuro; ti panangilasin cadagiti sasao ti pannacaawat; Ti panangawat iti sursuro iti nanacman a cababalin, iti kinalinteg ken kinajusticia ken panagpapada; Ti pannangted iti kinamanakem cadagiti nanengneng, iti bumaro pannacaammo ken kinaannad

Iti casta awagandacto, ngem diacto sumungbat; birukendacto a sigaganetget, ngem didacto masaracan: Agsipud ta ginurada ti pannacaammo, ket saanda a pinili ti panagbuteng ken ni Jehova