Popular Bible Verses from ECLESIASTES 8

Share

Idin dinayawco ti kinaragsac, agsipud ta ti maysa a tao awanan naim-imbag a banag iti baba ti init, ngem iti pannangan ken yiinum, ken panagragona; ta dayta makipagyanto kencuana iti nagbannoganna cadagiti amin nga al-aldaw ti biagna nga inted ti Dios kencuana iti baba ti init.

Uray pay ti maysa a managbasol agaramid iti dakes iti mamingasut, ket paatiddugenna dagiti aldawna, nupay casta ammoc a sipupudno a naimbagto cadagiti agbuteng iti Dios, dagiti agbuting iti sangoananna

Ta iti tunggal panggep adda pannawenna ken pannacaikeddengna; agsipud ta ti kinaay-ay-ay ti tao dackel kencuana

Awan ti tao nga addaan pannacabalin iti rabaw ti espiritu tapno tenglenna ti espiritu; isu awanan kinaturay ti aldaw ti patay, ket awan ti panagleppasna iti gubat: uray ti kinadangcoc dina maisalacan daydiay maited kencuana.

Agsipud ta ti panangipato a maibusor iti dakes nga aramid saan a matungpal a sipapardas, iti casta ti puso dagiti annac dagiti tattao ipamaysada ti agaramid iti dakes.

Adda maysa a kinaubbaw a maaramid iti rabaw ti daga, nga adda tattao a nalinteg a cadacuada mapasamac ti maitutup iti aramid ti nadangcoc; casta met adda tattao a nadangcoc a cadacuada mapasamac ti maitutup iti aramid ti nalinteg: kinunac a daytoy kinaubbaw met.

Ta isu dina ammo ti addanto; ta asino ti macaibaga no casanonto?