Popular Bible Verses from ECLESIASTES 7

Share

Saan coma a nadarasudos ti espiritum nga agpungtot; ta ti pungtot agsaad iti barucong dagiti maag.

Iti aldaw ti kinarang-ay agrag-oca, ket iti aldaw ti rigat otobem; wen, ti Dios inaramidna nga agdenna ti maysa ken maysa, iti panggep a ti tao dina maawatan ti aniaman nga addanto iti calpasanna.

Naimimbag ti pannacalpas ti maysa a banag ngem iti rugina; ket ti naanus iti espiritu naimimbag ngem iti napusong iti espiritu.

Pudno unay nga awan ti nalinteg a tao iti rabaw ti daga, nga agaramid iti naimbag, ket saan nga agbasol.

Ta ti sirib isu ti maysa a salacnib, a cas met laeng iti cuarta isu ti maysa a salacnib; ngem ti kinamangnibinibi ti pannacaammo isu, a ti sirib igagana ti biag ti agicut kencuana.

Ti naimbag a nagan napatpateg ngem iti nangina a lana; ket ti aldaw ti patay, ngem iti aldaw ti pannacayanac.

Naimimbag a denggen ti panangtubngar ti masirib, ngem iti panagdengngeg ti maysa a tao iti daniw dagiti maag.

Naimimbag ti mapan iti balay a pagdudung-awan ngem iti mapan iti balay a pagrarambacan: ta dayta isu ti tungpal dagiti amin a tattao; ket ti sibibiag isu ti ipapusonanto.

Ti puso ti masirib adda idiay balay a pagdung-awan; ngem ti puso dagiti maag adda idiay balay ti ragsac.