Popular Bible Verses from ECLESIASTES 2

Share

Ta iti tao a macaay-ayo kencuana iccan ti Dios ti sirib, ken pannacaammo, ken rag-o; ngem iti managbasol isu iccanna iti panagbannog, tapno agurnong ken gabsuonenna, tapno ipaayna coma iti macaay-ayo iti Dios. Daytoy kinabarengbareng met ken maysa a panagagawa iti angin.

Awan sabali a naimimbag nga agpaay iti tao ngem iti macanna coma ken mainumna, ken iti panangparag-ona iti cararuana iti kinaimbag ti nagbannoganna. Daytoy met nakitac, a naggapu iti ima ti Dios. Ta asino ti macabalin a mangan, wenno addaan panagrag-o nga ad-adda ngem siac?

Idin kinitac dagiti amin nga ar-aramid a pinataud dagiti im-imac ken ti aramid a nagbannogac nga inaramid; ket, adtoy isuda-amin barengbarengda ken maysa a panagagawa iti angin, ket awan idi ti gunguna iti baba ti init.

Ket aniaman a kinalicaguman dagiti matac diac impaidam cadacuada; diac insina ti pusoc iti aniaman a rag-o, ta ti pusoc nagrag-o gapu iti amin nga ar-aramidco; ket daytoy isu idi ti biangco iti amin nga aramidco.

Idin nakitac a ti sirib ringbawanna ti kinamaag, a cas iti lawag ringbawanna ti sipnget.

Dagiti mata ti masirib a tao addada idiay olona, ket ti maag magna iti kinasingpet: ket nupay casta nasaripatpatac a maysa a banag napasamac cadacuada amin.

Ta adda maysa a tao a ti aramidna mapacuyugan iti sirib, ken iti pannacaammo, ken kinalaing; nupay casta iti maysa a tao nga awan banbannogna iti daydiay isu ti pagbatianna nga agtagicua. Daytoy met isu ti kinaubbaw ken naindacsan.