Popular Bible Verses from ROMA 7

Share

Nagapasalamat ako sa Dios paagi kay Jesu-Cristo nga aton Ginoo! Gani niyan, ako gid sa hunahuna nagaalagad sa kasogoan sang Dios, apang sa unud nagaalagad ako sa kasogoan sang sala.

Kay nakahibalo ako nga sa akon, kon sayoron, sa akon unud, walay nagapuyo nga maayo. Ang pagbuut sing maayo yari sa akon, apang indi ako makahimo sini.

Kay ang maayo nga luyag ko wala ko ginahimo, apang ang malaut nga indi ko luyag amo ang ginahimo ko.

Karon kon ang indi ko luyag ginahimo ko, indi na ako ang nagahimo sini, kondi ang sala nga nagapuyo sa akon.

Gani nasapwan ko nga ini kasogoan nga kon luyag ko maghimo sing maayo, ang malaut malapit gid. Kay nagakalipay ako sa kasogoan sang Dios, sa akon nasulud gid nga kaugalingon

Karon kon ginahimo ko ang indi ko luyag, nagasugut ako nga ang kasogoan maayo.