Popular Bible Verses from ROMA 2

Share

Nagaisip ka bala, O tawo, nga nagahukom sa mga nagahimo sang amo nga mga butang apang ikaw nagahimo sang amo, nga makapalagyo ka sang paghukom sang Dios? Ukon ginatamay mo bala ang kamanggaran sang iya pagkalolo kag pagpaumud kag pagpailub? Wala ka bala makahibalo nga ang pagkalolo sang Dios nagatuytuy sa imo sa paghinulsul?

Busa wala ka sing balibad, O tawo, bisan sin-o ka nga nagahukom; kay sa paghuhom mo sa isa ginatagudilian mo ang imo kaugalingon, kay ikaw nga nagahukom nagahimo sang amo nga mga butang.

Kay ang Dios walay ginapasulabi sa mga tawo.

Kay indi ang mga nagapamati sang kasogoan amo ang matarung sa atubangan sang Dios, kondi ang mga nagatuman sang kasogoan pakamatarungon.

Kay sia magahatag sa tagsa ka tawo sono sa iya mga buhat

apang sa mga mabinahinbahinon kag wala nagatuman sang kamatooran, kondi nagatuman sang pagkadimatarung, may kasingkal kag kaalipungut.

Apang sa imo katig-a kag dimahinulsulon nga tagiposoon nagatipon ka sing kasingkal sa imo kaugalingon sa adlaw sang kasingkal kon ipahayag ang matarung nga paghukom sang Dios.