Popular Bible Verses from MGA SALMO 139

Share

Magapasalamat ako sa imo, kay ginhimo ako sing makahalangawa kag makatilingala. Makatilingala ang imo mga binuhatan! Ang akon kalag nakakilala sing maayo sini

Usisaa ako, O Dios, kag kilalaha ang akon tagiposoon! Tilawi ako kag kilalaha ang akon mga panghunahuna! Kag tan-awa kon may bisan ano nga malaut nga dalanon sa akon, kag tuytuyi ako sa dalan nga dayon!

Kay ikaw naghuman sang akon mga kasudlan, ginputus mo ako sa tiyan sang akon iloy.

Ang imo mga mata nakakita sang akon wala mahuman nga kinaugali; sa imo tolon-an nasulat na sila tanan, ang mga adlaw nga ginpat-ud nga sa akon, bisan sang wala pa sila.

O GINOO, nausisa mo ako kag nakilala ako!

Sa diin bala ako makadto palayo sa imo Espiritu? Ukon diin bala ako malagyo gikan sa imo atubangan?

Nakilala mo ang akon paglingkod kag ang akon pagtindug; nahangpan mo kutub sa malayo ang akon hunahuna.

Kay wala sing polong sa akon dila, kondi, yari karon, O GINOO, ikaw nakahibalo sini sing bug-os.

Ikaw nagausisa sang akon banas kag sang akon paghigda, kag nakakilala sang tanan ko nga dalanon.