Popular Bible Verses from MGA HULUBATON 29

Share

Ang kahadluk sa tawo nagadala sing siod, apang ang bisan sin-o nga nagasalig sa GINOO manginmalig-on.

Sa walay sing palanan-awon ang katawohan nagasikway sang pagpugung, apang ang nagabantay sang kasogoan bulahan sia.

Ang buangbuang nagamitlang sang iya bug-os nga kaakig, apang ang tawo nga maalam nagapugung sini kag nagapalinong sini.

Ang bilogon kag ang pagbadlong nagahatag sing kaalam, apang ang bata nga ginapabayaan sa iya kaugalingon nagapakahuya sa iya iloy.

Tadlonga ang imo anak, kag magahatag sia sa imo sing pahuway; magahatag sia sing kalipay sa imo kalag.

Ang bugal sang tawo magapanubo sa iya, apang ang mapainubuson sing espiritu makaagum sing dungug.

Ang tawo nga naakig nagapainit sing kaawayon, kag ang tawo nga masingkal nagabugana sa paglalis.

Nakakita ka bala sing tawo nga madalas sa iya mga polong? May labi pa nga paglaum sa buangbuang sang sa iya.