Popular Bible Verses from LEVITICO 26

Share

Kag magalakat ako sa tunga ninyo, kag mangin-inyo Dios, kag kamo mangin-akon katawohan.

niyan ihatag ko ang inyo mga ulan sa ila panag-on, kag ang duta magapatubas, kag ang mga kahoy sang latagon magapatubas sang ila bunga.

“Kon maglakat kamo sa akon mga palatukuran kag magbantay sang akon mga sogo kag maghimo sa ila

Kag magahatag ako sing paghidait sa duta, kag magahigda kamo, kag wala sing magapahadluk sa inyo; kag dulaon ko ang malaut nga mga sapat sa inyo duta, kag ang espada indi mag-agi sa inyo duta.

Kag magakahamuut ako sa inyo kag himoon ko nga magmabungahon kamo kag magpabu-ad sa inyo, kag magapakigkatipan sa inyo.

Ako amo ang GINOO nga inyo Dios, nga nagpagowa sa inyo gikan sa duta sang Egipto, agud nga indi kamo mangin-ulipon nila; kag ginbugto ko ang mga tabang sang inyo gota kag ginpalakat ko kamo sing tadlong.

Kag ipahamtang ko ang akon layanglayang sa tunga ninyo, kag ang akon kalag indi magkangil-ad sa inyo.

“Dili kamo maghimo nga sa inyo sing mga diosdios ukon magpatindug sing larawan nga tinigban ukon obelisco, kag dili kamo magbutang sa inyo duta sing bato nga dinagwayan, sa pagyaub sini; kay Ako amo ang GINOO nga inyo Dios.

Kag magakaon kamo sang laon nga dugay na natago, kag pagowaon ninyo ang laon bangud sang bag-o.

Ang lima sa inyo magalagas sing isa ka gatus, kag ang isa ka gatus sa inyo magalagas sing napulo ka libo; kag ang inyo mga kaaway magakapukan sa espada sa atubangan ninyo.

Kag ang inyo paglinas magalambut tubtub sa tigpamopo, kag ang tigpamopo magalambut tubtub sa tigsalab-ug; kag magakaon kamo sang inyo kalan-on sa kabulusgan, kag magapuyo nga may kalig-on sa inyo duta.

Kag lagson ninyo ang inyo mga kaaway, kag magakapukan sila sa espada sa atubangan ninyo.

Bantayan ninyo ang akon mga inugpahuway kag tahoron ang akon santuario: Ako amo ang GINOO.