Popular Bible Verses from LEVITICO 19

Share

Dili ka magtimalus ukon magtago sing bisan anong dumut batok sa mga anak sang imo katawohan, kondi higugmaon mo ang imo isigkatawo subong sang imo kaugalingon: Ako amo ang GINOO.

Dili ninyo pagpilasan ang inyo unud bangud sa patay ukon magbutang sing bisan ano nga pika sa inyo: Ako amo ang GINOO.

“Ipamolong sa bug-os nga katilingban sang katawohan sang Israel, Magpakabalaan kamo; kay Ako ang GINOO nga inyo Dios balaan.

“Dili mo pagdumtan ang imo utud sa imo tagiposoon, sa pagkamatuud sabdongon mo ang imo isigkatawo kag dili magdala sing sala bangud sa iya.

“Dili kamo magliso sa manugpagowa sang mga espiritu ukon sa mga manugpakot; dili kamo magpangita sa ila, sa pagpadagta paagi sa ila: Ako amo ang GINOO nga inyo Dios.

Dili ka magpakadto-pakari subong nga manuglibak sa tunga sang imo katawohan, kag dili ka magpuhon batok sa dugo sang imo isigkatawo: Ako amo ang GINOO.