Popular Bible Verses from SANTIAGO 3

Share

Apang ang kaalam nga gikan sa hitaas sa nahauna putli, ugaling madaiton, malolo, masinulugton, puno sang kalooy kag maayong mga bunga, walay pagpangduhaduha ukon pagkasalimpapaw.

Sin-o bala ang maalam kag mahangponon sa inyo? Magpakita sia sa iya maayong kabuhi sang iya mga binuhatan sa pagkamapinaubuson sang kaalam.

Kag ang bunga sang pagkamatarung ginasab-ug sa paghidait sang mga nagapakighidait.

Kay kon diin ang kahisa kag maiyaiyahon nga handum, didto ang kagamo kag tagsa ka malaut nga buhat.

Paagi sini ginapakamaayo ta ang Ginoo kag Amay, kag paagi sini ginapakamalaut ta ang mga tawo, nga ginhimo sa kaangay sang Dios. Gikan sa among baba nagagowa ang pagpakamaayo kag ang pagpakamalaut. Mga kauturan ko, ini indi dapat magmangin-amo.

Kag ang dila kalayo. Ang dila amo ang kalibutan sang kalautan sa tunga sang aton mga bahin, nga nagadagta sang bug-os nga lawas, kag nagasonog sang paglakat sang pangabuhi, kag ginasonog sang infierno.

apang walay tawo nga makahagup sang dila—ini amo ang isa ka malauton nga hulagan, puno sang makamamatay nga hilo.

Mga kauturan ko, dili maghingamo ang madamu sa inyo sa pagkamanunudlo, kay nahibaloan ninyo nga kita nga nagatudlo hukman sing maid-id pa.