Popular Bible Verses from ISAIAS 54

Share

wala sing hinganiban nga ginhimo batok sa imo nga magauswag, kag ang tagsa ka dila nga magtindug batok sa imo sa paghukom tagudilian mo. Ini amo ang panublion sang mga alagad sang GINOO kag ang ila pagkamatarung nga gikan sa akon, nagasiling ang GINOO.”

Kay ang kabukiran mataliwan kag ang kabakoloran makuha, apang ang akon malig-on nga paghigugma indi magtaliwan sa imo, ukon ang akon katipan sang paghidait makuha, nagasiling ang GINOO, nga may kalooy sa imo.

“Dili magkahadluk, kay indi ka mahuy-an; dili ka magpalibog, kay indi ka pagpakahuy-an; kay malipatan mo ang kahuluy-an sang imo pagkapamatan-on, kag indi mo na madumduman ang kahuluy-an sang imo pagkabalo.

Kay ang imo Magbubuhat amo ang imo bana, ang GINOO sang mga kasoldadosan amo ang iya ngalan; kag ang Balaan sang Israel amo ang imo Manunubus, tawgon sia nga Dios sang bug-os nga duta.

Palapara ang duug sang imo layanglayang, kag ipahitad sa ila ang mga kumbung sang imo mga puluy-an; dili pagpunggi, palabaa ang imo mga banting kag palig-ona ang imo mga palpal.

Ang tanan mo nga anak tudloan sang GINOO, kag mangindaku ang paghidait sang imo mga anak.

Sa nagaawas nga kasingkal sa malip-ot nga tion gintago ko ang akon nawung gikan sa imo, apang sa dayon nga paghigugma magakalooy ako sa imo, nagasiling ang GINOO nga imo Manunubus.

Sa isa ka diotay nga tion ginbayaan ko ikaw, apang sa may dalagku nga mga kalooy tiponon ko ikaw.

“Kay ini subong sang mga tubig ni Noe sa akon: subong nga nagsumpa ako nga ang mga tubig ni Noe indi na maglambas sa ibabaw sang duta, sa amo nagsumpa ako nga indi na ako magkasingkal sa imo ukon magsabdong sa imo.

Himoon ko nga mga rubi ang imo mga alibungan, ang imo mga gawang nga mga carbunclo, kag ang bug-os mo nga kuta nga mga bato nga bilidhon.