Popular Bible Verses from GALACIA 5

Share

Apang ang bunga sang Espiritu amo ang gugma, kalipay, paghidait, pagbatas, pagkalolo, pagkaayo, pagkatutum, pagkamapainubuson, pagpugung sang kaugalingon; batok sa amo walay kasogoan.

Apang nagasiling ako, maggawi sa Espiritu, kag dili ninyo pagtumana ang kailigbon sang unud.

Kon nagakabuhi kita sa Espiritu, maggawi man kita sa Espiritu.

Kag ang mga yara kay Cristo Jesus naglansang sang unud sa cruz kaupud sang iya balatyagon kag mga kailigbon.

Karon hayag ang mga buhat sang unud, nga amo: pagkamakihilawason, pagkahigko, pagkaulag, pagkadiwatahan, pagkababaylan, kaawayon, pagpinuyas, kaimon, kasingkal, pagbinahinbahin, katuhaytuhayan, herejia, pagkahisa, paghoboghobog, magansal nga kinalipay, kag ang kaangay sini. Ginapaandaman ko kamo, subong nga ginpaandaman ko kamo, nga ang nagahimo sang amo nga mga butang indi makapanubli sang ginharian sang Dios.

Kay kamo, mga kauturan, gintawag sa kahilwayan; lamang nga indi paggamita ang inyo kahilwayan nga kahigayonan sa unud, kondi paagi sa gugma mag-inalagaray kamo.

Kay ang mga handum sang unud batok sa Espiritu, kag ang mga handum sang Espiritu batok sa unud; kag ini sila nagasumpunganay, agud nga indi ninyo mahimo ang mga butang nga buut ninyo.

Kay ang bug-os nga kasogoan natuman sa isa ka polong, “Higugmaa ang imo isigkatawo subong sang imo kaugalingon.”

Dili kita magpadayawdayaw, nga nagahangkatanay, nga nagahinisaay.

Tungud sa kahilwayan ginhilway kita ni Cristo; busa magtindug kamo sing malig-on, kag dili magpagota liwat sa kahiolipnan.