Popular Bible Verses from EFESO 2

Share

Kay mga binuhatan niya kita, nga gintuga kay Cristo Jesus nga sa mga buhat nga maayo, nga gin-aman nga daan sang Dios, agud nga maggawi kita sa ila.

Kay bangud sa bugay naluwas kamo paagi sa pagtoo; kag ini indi inyo kaugalingon nga buhat, ini amo ang dolot sang Dios— indi bangud sa mga buhat, basi ang bisan sin-ong tawo magpabugal.

Apang ang Dios, nga manggaranon sa kalooy, gikan sa dakung gugma nga ginhigugma niya sa aton, bisan sang patay kita bangud sa aton mga paglapas, ginbuhi niya kita kaupud kay Cristo (paagi sa bugay naluwas kamo)

kag ginbanhaw kita kaupud niya, kag ginpalingkod kita kaupud niya sa langitnon nga mga duug kay Cristo Jesus

Gani niyan indi na kamo mga dumoloong kag mga dumalayon, kondi mga masigkabanwahanon kamo kaupud sang mga balaan kag mga bahin sang panimalay sang Dios, nga gintukud sa sadsaran nga amo ang mga pinadala kag mga manalagna, nga si Cristo Jesus iya amo ang pangolong bato sang pamag-ang