Popular Bible Verses from MANUGWALI 1

Share

Kay sa tama nga kaalam may tama nga kalisud, kag ang nagadugang sing ihibalo nagadugang sing kasubo.

Ang nagligad na amo ang magaabut, kag ang nahimo na amo ang himoon; kag wala sing bag-o nga butang sa idalum sang adlaw.

Ang tanan nga butang puno sang pagkalapyo; ang tawo indi makamitlang sini; ang mga mata indi mabusug sa pagtan-aw, ukon ang mga idulungug mapuno sa pagpamati.

Kadayawan sang mga kadayawan, nagasiling ang Manugwali, kadayawan sang mga kadayawan! Ang tanan kadayawan. Ano bala ang kapuslanan nga iya sang tawo sa tanan niya nga pagpangabudlay diin nagapangabudlay sia sa idalum sang adlaw?

Nakita ko ang tanan nga buluhaton nga ginahimo sa idalum sang adlaw; kag yari karon, ang tanan kadayawan kag pagpanikasug sa hangin.

Ang isa ka kaliwatan nagataliwan, kag ang isa pa ka kaliwatan nagaabut, apang ang duta nagapabilin sa gihapon.

Wala sing pagdumdum sang una nga mga kaliwatan, kag wala sing pagdumdum sang olihi nga mga kaliwatan nga magaabut sa tunga sang mga magaabut sa olihi.

Kag gintugyan ko ang akon tagiposoon sa pagkilala sang kaalam kag sa pagkilala sang pagkabuang kag kabuangan. Nahantupan ko nga ini man pagpanikasug sa hangin.