Popular Bible Verses from 2 MGA HARI 20

Share

“Balik ka, kag isiling kay Ezequias nga pangolo sang akon katawohan, Amo ini ang ginasiling sang GINOO, ang Dios ni David nga imo amay: Ginpamatian ko ang imo pangamuyo, nakita ko ang imo mga luha; yari karon, ayohon ko ikaw; sa ikatlo nga adlaw magataklad ka sa balay sang GINOO.

“Ginapakilooy ko sa imo, dumduma karon, O GINOO, kon paano nga naglakat ako sa atubangan nimo sa kamatooran kag sa himpit nga tagiposoon, kag naghimo sang maayo sa imo itololok.” Kag si Ezequias naghibi sing tama.

Sa sadtong mga adlaw si Ezequias nagmasakit nga sa ikamatay. Kag si Isaias nga manalagna nga anak ni Amoz nag-abut sa iya, kag nagsiling sa iya, “Amo ini ang ginasiling sang GINOO, ‘Ipahamtang sing nagakaigo ang imo panimalay; kay mapatay ka, indi ka magkabuhi.’”

Kag dugangan ko ang imo mga adlaw sing napulo kag lima ka tuig. Luwason ko ikaw kag ini nga banwa gikan sa kamut sang hari sang Asiria, kag apinan ko ini nga banwa sa akon kaugalingon kag tungud kay David nga akon alagad.”