Popular Bible Verses from Bugna 9

Share

Ang iban sang mga tawo nga wala mapatay sining tatlo ka mga kalalat-an, wala magbiya sang ila mga ginhimo nga diosdios. Wala sila mag-untat sa pagsimba sa mga demonyo kag mga diosdios nga bulawan, pilak, bronsi, bato, kag kahoy nga indi makakita, ukon makabati ukon makalakat. Kag ini nga mga tawo wala man maghinulsol sang ila mga pagpamatay, sang ila pagpangbabaylan, sang ila pagpakighilawas, kag sang ila mga pagpangawat.

Halin sa aso naggulowa ang mga apan kag naghugpa sa duta, kag ginhatagan sila sing gahom kaangay sang gahom sang iya sang mga iwiiwi. Ginsingganan sila nga indi nila paghalitan ang mga hilamon, ukon ang mga kahoy, ukon ang iban nga mga tanom. Ang ila lamang sarang mahalitan amo ang mga tawo nga wala sing marka sang selyo sang Dios sa ila mga agtang.

Dayon ang ikalima nga anghel nagpatunog sang iya trumpeta. Nakita ko ang isa ka bituon nga nahulog sa duta halin sa langit. Ginhatagan ini sang yabi sang buho nga tama ka dalom.

Ang mga apan wala gintugoti sa pagpamatay sini nga mga tawo, kundi sa pagpaantos lamang sa ila sa sulod sang lima ka bulan. Ang kasakit sang pagpaantos sa ila kaangay sang kasakit sang kutot sang iwiiwi.

May hari nga nagadumala sa ila, nga amo ang anghel nga gintugyanan sang buho nga tama ka dalom. Ang iya ngalan sa Hebreo amo si Abadon, sa Griego si Apolyon nga kon sayuron, “Ang Manuglaglag”.