Popular Bible Verses from Bugna 14

Share

Dayon nabatian ko ang isa ka tingog halin sa langit nga nagasiling, “Isulat ining masunod: Malipayon ang mga katawhan nga sugod karon nagakalamatay sa pag-alagad sa Ginoo!” Nagsabat ang Espiritu, “Huo, matuod gid, maagom nila ang kapahuwayan sa ila pagpangabudlay, tungod kay pagadalhon nila ang mga balos sang ila pag-alagad.”

Nagakinahanglan ini sing pagbatas sa bahin sang mga tumoluo, nga nagatuman sang mga sugo sang Dios kag mga matutom kay Jesus.

Nagsiling sia sa mabaskog nga tingog, “Pasidunggi ninyo ang Dios kag dayawa ang iya pagkagamhanan! Kay nag-abot na ang tion nga iya pagahukman ang tanan nga mga tawo. Simbaha ninyo sia nga nagtuga sang langit, duta, dagat, kag sang mga tuboran sang tubig!”

Ang ikatlo nga anghel nagsunod sa duha nga nahauna kag nagasiling sa mabaskog nga tingog, “Ang bisan sin-o nga nagasimba sa sapat kag sa iya imahen, kag nagabaton sang marka sa iya agtang ukon sa iya kamot, magainom man sang bino nga amo ang kaakig sang Dios, nga iya gintigis nga wala sing simbog sa kupa sang iya kaakig! Ang tanan nga nagahimo sini pagapaantuson sa kalayo kag asupre sa atubang sang balaan nga mga anghel kag sang Kordero. Ang aso sang kalayo nga nagapaantos sa ila nagatub-ok nga wala sing katubtoban. Wala sing kapahuwayan sa adlaw kag sa gab-i sa mga nagasimba sa sapat kag sa iya imahen, ang bisan sin-o nga may marka sang iya ngalan.”

Dayon nagtan-aw ako, kag nakita ko ang Kordero nga nagatindog didto sa Bukid sang Sion. Upod sa iya amo ang 144,000 ka mga tawo nga may ngalan sang Kordero kag sang iya Amay nga nasulat sa ila mga agtang.

Dayon nakita ko ang isa pa gid ka anghel nga nagalupad sing mataas sa kahawaan, nga may mensahe sang wala sing katapusan nga Maayong Balita, nga iwali sa tanan nga mga tawo sa duta, sa tagsa ka rasa, tribo, linggwahe, kag pungsod.

Ang ikaduha nga anghel nagsunod sa nahauna nga nagasiling, “Napukan sia! Ang daku nga Babilonia napukan! Ginpainom niya ang tanan nga mga katawhan sang maisog nga bino sang iya pagpakighilawas!”