Popular Bible Verses from Mga Taga-Filipos 4

Share

Indi kamo magpalibog sang bisan ano, kundi sa inyo tagsa ka pagpangamuyo, magpangayo kamo sa Dios sang inyo kinahanglanon nga nagapasalamat sa gihapon.

kag ang paghidait sang Dios nga indi matungkad sang paghangop sang tawo, magatipig sang inyo mga tagipusoon kag mga hunahuna paagi kay Cristo Jesus.

Sa katapusan, mga kautoran, pun-a ang inyo mga hunahuna sining maayo kag dalayawon nga mga butang: mga butang nga matuod, halangdon, matarong, putli, hiligugmaon, kag dungganon.

Makasarang ako sa pag-atubang sang tanan nga kahimtangan paagi sa gahom nga ginahatag sa akon ni Cristo.

Magkalipay kamo sa gihapon sa inyo paghiusa sa Ginoo. Liwat ginasiling ko sa inyo: magkalipay kamo!

Kag ang akon Dios, sa iya bugana nga manggad paagi kay Cristo Jesus magahatag sa inyo sang tanan ninyo nga mga kinahanglanon.

Ibutang ninyo sa buhat ang tanan nga inyo natun-an kag nabaton halin sa akon paagi sa akon mga pulong kag mga binuhatan. Kag ang Dios nga nagahatag sa aton sing paghidait manginkaupod ninyo.

Ipakita ang inyo kalulo sa pagginawi sa tanan nga mga tawo. Ang Ginoo madali na lang mag-abot.

Nahibaluan ko ang pagpangabuhi nga pigado kag ang pagpangabuhi nga bugana. Natun-an ko ini tanan, agod nga sa bisan diin kag sa bisan ano nga kahimtangan kontento ako bisan busog ako ukon gutom, bisan sa kabuganaan ukon sa kapigaduhan.

Kag wala ako nagasiling sini tungod kay nagabatyag ako nga ginpatumbayaan, kay natun-an ko ang pagkakuntento sa bisan ano nga kahimtangan.