Popular Bible Verses from Mga Taga-Colosas 1

Share

Kay ginluwas niya kita gikan sa gahom sang kadudulman kag gindala sa ginharian sang iya hinigugma nga Anak

Kay paagi sa iya gintuga sang Dios ang tanan nga mga butang sa langit kag sa duta, ang makita kag ang indi makita, lakip ang espirituhanon nga mga gahom, mga hari, mga punoan kag mga awtoridad. Paagi sa iya kag para sa iya gintuga sang Dios ang tanan.

Sa wala pa matuga ang tanan nga mga butang yara na si Cristo, kag sa paghiusa sa iya, ang tanan nga mga butang may ila nga naiguan nga lugar.

Si Cristo amo ang makita nga laragway sang indi makita nga Dios, ang panganay nga Anak nga lalaki nga labaw sa tanan nga mga tinuga.

Tungod sini, pirme lang kami nagapangamuyo para sa inyo halin sang pagkabati namon nahanungod sa inyo. Ginapangayo namon sa Dios nga mapun-an kamo sang ihibalo sang iya kabubot-on nga may bug-os nga kaalam kag paghangop nga ginahatag sang iya Espiritu agod nga sarang kamo makakabuhi suno sa kabubot-on sang Ginoo, kag makahimo pirme sang iya nahamut-an. Ang inyo mga kabuhi manginmabinungahon gid sang tanan nga sahi sang maayo nga mga buhat kag magatubo kamo sa inyo pagkilala sa Dios.