Popular Bible Verses from Mga Hukom 16

Share

Nagsinggit si Delila, “Samson! Yara na ang mga Filistinhon!” Nagbugtaw sia kag naghunahuna sa iya kaugalingon, “Manginpadlos ako kag manginhilway pareho sang una.” Wala sia makahibalo nga ginbayaan na sia sang GINOO.

Dayon nagpangamuyo si Samson, “O GINOO nga Gamhanan, kon mahimo dumdoma ako. Kon mahimo, O Dios, hatagi ako sing kusog bisan makaisa na gid lang, agod nga makatimalos ako sa mga Filistinhon nga naglukat sang akon duha ka mga mata.”

sang ulihi, ginsugiran na lang niya si Delila sang kamatuoran. Nagsiling si Samson, “Wala gid maguntingi ang akon buhok, kay ginhalad ako sa Dios subong isa ka Nazareo halin sa akon pagkatawo. Kon guntingan ang akon buhok, madula ang akon kusog, kag manginmaluya ako pareho sang iban.”

Nagpadayon sia sa pagpamangkot kay Samson adlaw-adlaw. Tinak-an gid si Samson kag kinapoy sang pagpamilit sa iya ni Delila sa bagay nga

kag nagsinggit, “Bisan mapatay ako, basta upod lang sa mga Filistinhon!” Sa bug-os niya nga kusog iya ginduso ang mga haligi, kag nalusod ang templo sa lima ka mga hari kag sa tagsatagsa nga yadto didto. Mas madamo pa nga mga tawo ang iya napatay sang mapatay sia sang sa mga tawo nga napatay niya sang buhi pa sia.