Popular Bible Verses from Isaias 30

Share

Kon magtalang kamo sa dalan sa inyo tuo ukon wala, mabatian ninyo ang iya tingog gikan sa inyo likod nga nagasiling, “Yari ang dalan, diri kamo agi.”

Pero ang GINOO nagahulat sa pagpakita sang iya kaayo sa inyo. Handa sia sa pagkaluoy sa inyo, tungod kay ang iya ginahimo matarong. Malipayon ang tanan nga nagasalig sa GINOO.

Ang GINOO nga Gamhanan, ang balaan nga Dios sang Israel, nagasiling sa mga tawo, “Balik kamo kag magsalig sa akon nga may kalinong. Dayon manginmabakod kamo kag malig-on.” Pero indi kamo magpati.

Paagihon kamo sang Ginoo sa mga kabudlayan, pero sia gid manginkaupod ninyo sa pagtudlo sa inyo kag indi na kamo kinahanglan magpangita sa iya.

Kamo nga mga tawo nga nagaestar sa Jerusalem indi na maghibi liwat. Ang GINOO maluloy-on, kag kon magpanawag kamo sa iya sa pagpangayo sing bulig, magasabat sia sa inyo.

Ang GINOO naghambal: “Ang mga nagagahom sa Juda tapos gid, tungod kay nagsupak sila sa akon. Indi akon mga plano ang ila ginsunod, kag naghimo sila sing mga kasugtanan batok sa akon kabubot-on kag ini nagadugang sang ila mga sala.