Popular Bible Verses from Isaias 26

Share

Ikaw, O GINOO, ang magahatag sang paghidait sa mga nagapadayon sing malig-on sang ila mga tinutuyo kag nagasalig sa imo.

Magsalig sa GINOO sa walay katapusan, sia magaapin sa aton sa gihapon.

Sa kagab-ihon ginahandom ko ikaw sa bug-os ko nga tagipusoon, kon maghukom ka sa kalibutan kag sa iya mga pumoluyo, sila tanan magakilala sang pagkamatarong.

O GINOO, imo kami pauswagon, kay ang tanan namon nga mga binuhatan nahimo namon tungod sang imo bulig.

Ginatuman namon ang imo kabubot-on kag nagasalig kami sa imo, ikaw lamang ang amon ginahandom.

O GINOO, ginapahapos mo ang dalan sang maayo nga mga tawo, ang dalan nga ila ginaagyan matapan.

Ginpaubos niya ang mga bugalon, ginguba niya ang malig-on nga siudad nga ila ginaestaran, ginrumpag niya sa duta ang ila mga pader.

Abrihi ang mga pwerta sang siudad kag pasudla ang matutom nga pungsod, ang pungsod nga ang iya mga tawo nagahimo sing matarong.