Popular Bible Verses from Ezequiel 38

Share

Sa sini nga paagi ipakita ko sa tanan nga mga kapungsoran ang akon pagkagamhanan kag pagkabalaan. Dayon makilala nila nga ako amo ang GINOO.”

“Tawo nga mamalatyon, karon pakamalauta ang Gog, sa duta sang Magog. Sia amo ang pangulo nga manuggahom sang mga kapungsoran sang Mesec kag Tubal. Pakamalauta sia, kag singgana sia nga ako, ang GINOO nga Gamhanan, amo ang iya kaaway.

Salakayon mo ang akon mga tawo nga Israelinhon kaangay sang bagyo nga nagalaslas sa duta. Kon mag-abot ina nga tion, ipadala ko ikaw sa paggubat sang akon duta sa pagpakita sa mga pungsod kon sin-o ako, sa pagpakita sang akon pagkabalaan nga akon pagahimuon paagi sa imo.