Popular Bible Verses from Daniel 9

Share

Nagpangamuyo ako sa GINOO nga akon Dios kag gintuad ko ang mga sala sang akon mga kasimanwa. Nagsiling ako, “O Ginoong Dios, gamhanan ikaw kag ginapasidunggan namon ikaw. Ginatuman mo ang imo kasugtanan kag nagapakita ka sing malig-on nga paghigugma sa mga nagahigugma sa imo kag nagatuman sang imo sugo.

Pamatii kami, O Dios. Talupangda kami kag tamda ang amon palaligban kag ang pag-antos sang siudad nga nagadala sang imo ngalan. Nagapangamuyo kami sa imo tungod kay maluloy-on ka, indi tungod nga nakahimo kami sing matarong. O Ginoo, pamatii kami kag patawara kami. O GINOO, pamatii kami, kag himua ang nagakaigo sa gilayon! Indi ka magdugay, agod ang tanan makahibalo nga ikaw amo ang Dios! Imo ini nga siudad kag ini nga mga tawo.”

Kag nagpangamuyo ako sing hanuot gid sa GINOO nga Gamhanan, nagpakitluoy sa iya, nagpuasa, nagbayo sing sako, kag nagpungko sa abo.

Maluloy-on ka kag mapinatawaron, bisan nagpamatok kami sa imo.

Ina nga pangulo magahimo sing malig-on nga kasugtanan sa madamo nga mga tawo sa sulod sang pito ka tuig, kag pauntaton niya ang mga paghalad kag mga pagdulot sa sulod sang tatlo ka tuig kag tunga. Sa labing mataas nga bahin sang Templo makita ang Makakulogmat nga Kangil-aran, kag magapabilin ini didto tubtob ang isa nga nagbutang sini didto pagasilutan sang Dios suno sa gin-aman para sa iya.”