Popular Bible Verses from 2 Pedro 3

Share

Ang Ginoo indi uyaya sa pagtuman sang iya ginsaad, suno sa ginahunahuna sang iban. Sa baylo, mapinasensyahon sa inyo, tungod kay indi sia luyag nga ang bisan isa sa inyo malaglag, kundi luyag niya nga magbiya ang tanan sa ila mga sala.

Mga hinigugma ko, indi ninyo pagkalimti ining isa ka butang! Para sa Ginoo wala sing kinatuhay ang isa ka adlaw ukon ang 1,000 ka tuig. Para sa iya ining duha pareho lang.

Pero magpadayon kamo sa pagtubo sa kaayo kag sa pagkilala sang aton Ginoo kag Manluluwas nga si Jesu-Cristo. Sa iya ang kadayawan, karon kag sa gihapon! Kabay pa.

Pero ang Adlaw sang Ginoo magaabot subong sang isa ka makawat. Sa sadto nga Adlaw ang mga langit magataliwan sa daku nga kagahod, ang tanan nga mga butang sa langit masunog kag malaglag, kag ang duta kag ang tanan nga yara sa iya magakawala.

Tungod kay sa sini nga paagi pagalaglagon ang tanan nga mga butang, mangin-ano bala kamo nga sahi sang mga tawo? Ang inyo mga kabuhi dapat manginbalaan kag nahalad sa Dios, samtang nagapaabot kamo sang Adlaw sang Dios. Buhata ninyo ang inyo masarangan sa pagpadali sini—ang Adlaw nga ang mga langit pagasunogon kag pagalaglagon, kag ang mga butang sa langit magakatunaw tungod sang kainit.