Popular Bible Verses from 2 Pedro 2

Share

Gani, ang Ginoo makahibalo magluwas sang diosnon nga mga tawo gikan sa ila mga pagtilaw, kag magsilot sang mga malaut sa Adlaw sang Paghukom

Mas maayo pa nga wala na lang sila makahibalo sang dalan sang pagkamatarong, sang sa makahibalo sila kag magbiya sa balaan nga sugo nga ginhatag sa ila! Ang natabo sa ila nagapakita nga ining hulubaton matuod: “Ang ido nagabalik sa pagkaon liwat sang iya ginsuka,” kag “Ang baboy nga bag-o lang ginligo nagaligid liwat sa lunang.”

Nagasaad sila sa ila sing kahilwayan, pero sila mismo mga ulipon sang makahalalit nga kinabatasan, kay ang tawo ulipon sang bisan ano nga makadaog sa iya.

Kay kon ang mga tawo nakapalagyo na sa makahalalit nga mga gahom sang kalibutan paagi sa ila pagkilala sa aton Ginoo kag Manluluwas nga si Jesu-Cristo, kag sa liwat magapos naman sila kag madaog sini, mas malain pa ang kahimtangan sina nga mga tawo sa katapusan, sang sa ila nahauna nga kahimtangan.

Sang una anay, may nagpakita nga di-matuod nga mga propeta sa tunga sang mga tawo, kag sa amo man nga paagi magapakita sa tunga ninyo ang di-matuod nga mga manunodlo. Magadala sila sang makahalalit kag di-matuod nga mga pagtulon-an, kag ipanghiwala nila ang Agalon nga nagluwas sa ila. Gani magadala sila sa ila kaugalingon sang hinali nga kalaglagan.