Popular Bible Verses from 2 Mga Hari 20

Share

sa pagbalik kay Ezequias, ang pangulo sang mga tawo sang GINOO, kag singganon sia, “Ako ang GINOO, ang Dios sang isa sang imo mga katigulangan nga si David, nakabati sang imo pangamuyo kag nakakita sang imo mga luha. Ayuhon ko ikaw, kag sa sulod sang tatlo ka adlaw magakadto ikaw sa Templo.

“O GINOO, dumdoma nga nag-alagad ako sa imo sing matutom kag mainunongon, kag nagtinguha ako sa paghimo pirme sang luyag mo.” Kag naghilibion gid sia sing tudo.

Sa sadto man nga tion, si Haring Ezequias nagmasakit kag diutayan na lang mapatay. Ang propeta nga si Isaias nga anak ni Amoz nagkadto sa pagpakigkita sa iya kag nagsiling, “Ang GINOO nagasiling nga husayon mo ang imo pagkabutang, tungod kay indi na ikaw mag-ayo. Maghanda ka kay ikaw mapatay.”

Palawigon ko ang imo kabuhi sing kinse pa ka tuig. Luwason ko ikaw kag ining siudad sang Jerusalem gikan sa hari sang Asiria. Apinan ko ining siudad, para sa akon kadungganan kag tungod sang ginsaad ko sa akon alagad nga si David.”