Popular Bible Verses from 2 Mga Taga-Corinto 10

Share

Ginarumpag namon ang tagsa ka upang nga ginagamit sang bugalon nga mga tawo batok sa pagkilala sa Dios. Ginabihag namon ang tagsa ka panghunahuna kag ginahimo namon ini nga magtuman kay Cristo.

Ang mga armas nga amon ginagamit sa pagpakig-away indi iya sang kalibutan, kundi iya sang Dios, kag ini may gahom sa pagguba sang mga pamakod sang kaaway. Ginaguba namon ang indi matuod nga mga rason.

Matuod nga nagakabuhi kami sa kalibutan, pero ang amon mga tinutuyo sa pagpakig-away indi kalibutanon.

Kay indi ang tawo nga nagadayaw sang iya kaugalingon ang ginabaton sang Dios, kundi ang tawo nga ginadayaw sang Ginoo.