Dayon nagsiling sia sa pamatan-on nga lalaki nga nagadala sang iya mga hinganiban, “Gabuta ang imo espada kag patya ako, agod ining di-diosnon nga mga Filistinhon indi makayaguta kag magpatay sa akon.” Pero ang pamatan-on nga lalaki nahadlok gid sa paghimo sini sa iya. Gani ginkuha ni Saul ang iya kaugalingon nga espada kag ginhap-an niya ini. Nakita sang pamatan-on nga lalaki nga si Saul patay na, gani ginhap-an man niya ang iya kaugalingon nga espada kag napatay sia upod kay Saul.
