Popular Bible Verses from 1 Pedro 5

Share

Itugyan ninyo sa iya ang tanan ninyo nga mga palaligban, tungod kay nagakabalaka sia sa inyo.

Pero sa tapos kamo makaantos sa indi lamang madugay, ang Dios nga nagahatag sang tanan nga pagpakamaayo, nga nagatawag sa inyo sa pagkabuhi sa iya halangdon nga presensya sa wala sing katapusan, paagi sa inyo paghiusa kay Cristo, magahimpit kag magahatag sa inyo sing kalig-on, kusog kag mapag-on nga sadsaran.

Maghanda kag magbantay kamo! Kay ang inyo kaaway, ang Yawa, nagaluyong subong sang isa ka nagangurob nga leon, nga nagapangita sang iya tulokbon. Magmalig-on kamo sa inyo pagtuo kag magbato sa Yawa, tungod kay nakahibalo kamo nga ang inyo pareho nga mga tumoluo sa bug-os nga kalibutan nagaantos sang amo man nga mga pag-antos.

Gani magpaubos kamo sa idalom sang gamhanan nga kamot sang Dios, agod nga bayawon niya kamo sa iya nagakaigo nga tion.

Sa amo man nga bagay, kamo nga pamatan-on nga mga lalaki magpasakop sa mga magulang sa inyo. Tanan kamo dapat magpanampi sang pagpaubos, sa pag-alagad sa isa kag isa, kay ang kasulatan nagasiling, “Ginasumpo sang Dios ang bugalon, pero iya ginabuligan ang mapainuboson.”