Popular Bible Verses from Jeremias 8

Share

Wala na bay tambal diha sa Gilead? Wala ba gayoy mananambal didto? Nganong wala man maayo ang akong katawhan?

“Sultihi ang katawhan nga ang GINOO nag-ingon: Ang tawong matumba dili na ba lang mobangon? Ang mahisalaag dili na ba lang maninguha sa pagbalik sa iyang agi?

Gani ang naglupad nga tabon nasayod man kon kanus-a ang tingpauli; ang salampati, ang sayaw ug ang lapay nasayod usab kon kanus-a ang tinglangyaw. Apan kamong katawhan ko wala masayod sa akong balaod.

Namati ako kaninyo pag-ayo apan bakak ang gipanulti ninyo. Walay usa kaninyo nga nagbasol sa daotan ninyong binuhatan o may nangutana, ‘Unsa may daotan nga akong nabuhat?’ Ang matag usa nagpaturatoy lag subay sa iyang kaugalingong dalan, daw kabayong nagdagan paingon sa gubat.

Maulawan gayod ang mga maalam; mangalisang ug pamihagon sila. Gisalikway nila ang akong mga pulong; wala na silay kaalam.