Popular Bible Verses from JEREMIAS 14

Share

Aduna ba diha sa mga diosdios sa mga nasod nga makapadala ug ulan? O makahatag ba ang langit ug ulan? Dili ba ikaw man, O GINOO nga among Dios? Among gibutang ang among paglaom kanimo, kay ikaw man maoy nagbuhat niining tanang mga butang.

“Bisan ang among mga kasal-anan nagpamatuod batok kanamo, pagbuhat, O GINOO, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Among giila ang among pagkadaotan, O GINOO, ug ang kasal-anan sa among mga katigulangan kay nakasala kami batok kanimo. Ayaw intawon kami ayri, tungod ug alang sa imong ngalan; ayaw pakaulawi ang imong mahimayaong trono; hinumdomi ug ayaw pakyasa ang imong kasabotan uban kanamo.