Popular Bible Verses from 1 MGA CRONICAS 29

Share

Imo, O GINOO, ang pagkadako ug ang gahom ug ang himaya ug ang pagdaog ug ang pagkahalangdon kay ang tanan nga anaa sa kalangitan ug sa yuta imo. Imo ang gingharian, O GINOO, ug ikaw gituboy ingon nga pangulo sa tanan.

Ang mga bahandi ug dungog naggikan kanimo ug ikaw naghari sa tanan. Diha sa imong kamot ang gahom ug kusog ug sa imong kamot mao ang pagpadako, ug ang paghatag ug kusog sa tanan.

“Apan kinsa man ako ug unsa ang akong katawhan, nga kami mahimong takos sa paghalad nga kinabubut-on sa ingon niini? Kay ang tanang butang gikan kanimo, ug gikan sa imong kaugalingon kami naghatag kanimo.

Busa karon, kami nagpasalamat kanimo, among Dios, ug nagdayeg sa imong mahimayaong ngalan.

Tungod niini gidayeg ni David ang GINOO sa atubangan sa tibuok katilingban ug si David miingon, “Dalaygon ikaw, O GINOO, ang Dios ni Israel nga among amahan, hangtod sa kahangtoran.