Popular Bible Verses from Yakobo 3

Share

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

Ŋa kwoŋ win kenyo mariek kendo ma niaŋ? Ere wonyuthi rieko no gi kwo pere m'otire, gi tim pere ma nyutho bwonirok kodi rieko.

Aka joma kelo siem jokeco tiro m'opidhi i siem.

Kole kama di nyeko kodi mito ici, kenyo ruwirok bende niye kodi nger reco je.

Waoro lew wan ma pako Rwoth gi Bawan odoko waoro lew wan acel no won ma kwoŋo dhano m'ocwey i cal pa Were. Wac ma pako kodi ma kwoŋo nyatoro je wok i dhok dhano acel no won. Wutmera, gime oyido kiripi timirok ameno.

Lew jo bende cale mac. Obedo dak reco manitie gi kabedo i delkwoŋ wan aka nyayo reco i kwo mawan gipi; go moko mac i kwo mawan gipi, aka go won bino waŋ i mac makitho.

To ongoye moro manyalo dhumo lewe maber. Lew jo obedo gimarac ma kikudere, aka thoth gi kwir.

Jomathoth kwoŋ win kiri jowolokere jofonji, wutmera gi nyimin, rupiri wiŋeyo ni wan ma wafonjo ibino thumo riwan banja m'onuŋ loyo joman.