Popular Bible Verses from Wok 20

Share

“An abedo Rwoth Were mewin, m'owodho win wok i lowo ma Misir kam'oyido wibed'iye ŋecin.” “Wikiri wibedi gi werin man je kwanyowoko an.”

“Wikiri witim cal ma gimoro je manitie i polo kosa i piny, kosa i pi i pendi piny ri wiwegi. Wikiri wikule piny rijo, kosa wilam jo, kwoŋbedo An, Rwoth Were mewin, ajanyeko. Akelo gir'acula kwoŋ jono ma jodakan kodi kwoŋ nyikway jo, kiri i luse pajo mar'adek gi mar'aŋwen.

“Wor benin gi yokin, ŋey winyal kiyindira ma hongo malac i lowo ma Rwoth Were mewin miyo win.”

“Poyi win ndelo ma Sabato, aka wikuri maleŋ.

“Wikiri wikwoŋere gi nyingi Rwoth ri gimarac, kole abino miyo gir'acula ri ŋata oro nyingan marac.”

Winitie gi ndelin aucel ma timo tic mewin je, to ndelo mar'abirio obedo ndelo pa Rwoth Were mewin. I ndelo no wongoye ŋata wotim tic; win, nyithindho, ŋecin, ogwaŋe mewin, kosa japath ma bedo i piny mewin.

“Ikir'iwanya ot pa nyawotin; ikir'iwanya cege, ŋecin pere, dhok pere, kosa punde pere, kosa kisi gima go nitie gine je.”

“Ikir'icwoki dhok nyatoro ma nono.”

“Ikir'itim cot.”

“Ikir'ineki.”

“Ikir'ikwal.”