Popular Bible Verses from Matayo 7

Share

“Ni muloombe muliweebwa, muweentse mulinyoola, mukhonyake lulwiitsi lulibekuliwilawo.

Lwekhuba buli uloomba afuna, uweentsa anyoola, ni nooyo ukhonyaka lulwiitsi lumukuliwilawo.

“Aso, buli mundu uwulila bilomo byase bino, wabikholelakho, imufwananisa nga umusaani umukyesi uwombekha intsu yeewe khu lwanda.

Ni nashiryo mu buli shiindu shoosi, ni mubirise babaandu babaandi isaambo yeesi mukana nibo bababirisemo inywe. Lwekhuba shino nisho sheesi kamakaambila ka Musa ni khuleekela khwe baŋoosi bimanyisa.

Ne kumulyaango kukuutsya mu bulamu kuli kumufundeefu, ni kumukhoosi kukuutsyayo kuli kumunyelele, ni naabo babakunyoola si bali bakali ta.

“Ni mwinjile nga mubirira mu mulyaango kumufundeefu. Lwekhuba kumulyaango kukuutsya mu khuhela kuli kumubalaayi, ni kumukhoosi kukuutsyayo kuli kumutsowe, ni naabo babakukyendelakho bali bakali.

Kale ni nanywe mumuuli babaandu baboonaki busa, mwamanya khuuwa babaana beenywe biwaanwa bilayi, Paapa weenywe uli mwikulu s'alifuura khuuwa biwaanwa bilayi isi ibo babamuloomba ta?

“Mukhakhalila babaandu babaandi kumusaango ta, nio nanywe Wele alekhe khubakhalila ta. Lwekhuba nanywe Wele alibakhalila kumusaango, musaambo nyene yeesi mukhalilamo babaandi. Ni shipimo sheesi muraambisa khupimilamo babaandi nanywe nisho sheesi Wele alibapimilamo.

Ne buli mutweela uwulila bilomo byase bino, ne walekha khubikholelakho nga ni biloma ta, imufwananisa nga umusaani umusilu uwombekha intsu yeewe khu muyekhe busa.

“Iwe lwashiina ubona khasosono khakhaali khu moni ya wandaayo, ne walekha khwambaasa khu kukyeenga kukuuli khu moni yoowo wamweene? Namwe unyala uryeena waloma wandaayo uri, ‘Khayo ikhurusemo khasosono khakhaali khu moni yoowo,’ ate nga iwe wamweene uli ni kukyeenga khu moni yoowo?

“Ni mwiliinde baŋoosi be bubeeyi, babeetsila mu bikwaaro bye kamasheese isi muli ne nga mukari bali bitsuutse bye kumulyuulyu. Ne mulibamanyila khu byaamo byaawe. Lwekhuba babaandu si banyala babuta tsisabibu khu mawa ta, namwe si banyala babuta kimifiki khu mawa ta.

Nasho shiryo, kusaala kulayi kwaanisakho bibyaamo bilayi, ni kusaala kuubi nakwo kwaanakho bibyaamo biibi.

Kusaala kuulayi sikunyala kwanakho bibyaamo biibi ta, ni kusaala kuubi sikunyala kwanakho bibyaamo bilayi ta.

Buli kusaala kwoosi kukukhaana bibyaamo bilayi, bakurema bakutuuma mu mulilo.