Popular Bible Verses from Matayo 5

Share

Namwe mbaawo umuundu uwambisa itaala, wakifunikhilila mu shiipo ta, ne akira khu shisiindi khu ngaaki nio yaaburukhila buli mutweela uli mu ntsu. Musaambo niyo ndweela, khayo buwaanga bwenywe bwaburukhe buryo mu moni tsye babaandu, nio babone buraambi bweenywe bulayi, baruuye Paapa weenywe uli mwikulu.

“Inywe muli buwaanga bwe shiibala. Shiriimba shishombekhebwa khu lukiingi sishinyala khubisibwa ta.

“Bali n'ikhabi babaali bakwalaafu mu mwoyo, lwekhuba balibona Wele.

“Bali n'ikhabi ibo babaali intsala ni bulesa bwe khukhola byeesi Wele akana, lwekhuba Wele alibekusila ilala.

Ne ise imbaloma ndi, ni mukanaatsake basiku beenywe, lundi muloombele ibo bababakubyeenga

“Bali n'ikhabi ibo babaali bataambi mu mwoyo, lwekhuba Buyiinga bwe mwikulu buli bubwaabwe.

“Bali n'ikhabi ibo babaraambilila lukoosi, lwekhuba balilaangibwa bari babaana ba Wele.

“Bali n'ikhabi ibo babaali mu mutaambo, lwekhuba balikhoyesebwa.

“Bali n'ikhabi ibo beesi babaandu bakubyeenga lwe bukwalaafu, lwekhuba Buyiinga bwe mwikulu bubwaabwe.

“Bali n'ikhabi ibo babaali be shiisa isi babaandu babaandi, lwekhuba nabo Wele alibawambila shiisa.

“Inywe muli n'ikhabi, babaandu ni kane babakhomatsake, babakubyeenge, lundi ni kane babakanikhaatsakekho buubi mu lomo yoosi lwe khubafunisa ise. Nimwikhoye, lundi mwitikite, lwekhuba kumukheemba kweenywe mwikulu mukali, lwekhuba ni baŋoosi bababanyoowa inywe babakubyeenga musaambo nyeneyo.

“Bali n'ikhabi ibo babaali bawolu, lwekhuba baliiba basikha khu shiibala.

“Inywe muli nga kumuunyu kwe shiibala. Ne kumuunyu ni kuwamo itsamu, itsamu iyo yisibwamo iryeena lundi? Kuba sikushaakha lundi ta, khurusakho kutuumibwa ibulafu, ni babaandu bakusaambakilila.

Ni nashiryo, inywe mwakha mwaba bakwalaafu nga Paapa weenywe uli mwikulu n'ali umukwalaafu.

Ne lekha ibyo byeesi uloma uri, ‘Ee,’ bibatsake ‘Ee,’ ni ‘Taawe,’ abatsake ‘Taawe’. Ni bibiindu bibindi bibifuurakho awo, biba byaama isi umusiku.

“Mwawulila nga ni shalomewa khaale shiri, ‘Imoni iliyasibwa ni moni, ni liliino liliyasibwa ni liliino.’ Ne ise imbaloma ndi, mukhakhingililatsaka umuundu yeesi ubakhola buubi ta. Umuundu yeesi n'akhuupa luuyi khu lusaya lwoowo lwe khu lubeka lulayi, umuyuusila lwe khu lubeka lunyeletsi nalwo.

Noola imoni yoowo iye khu lubeka lulayi ikhuyila mu khwoneka, kirusemo, ukituume aleeyi. Shiba shiminyisa bulayi, shitweela khu bisiintsa bye kumubili kwoowo khuhela, khufuurisa kumubili kwoowo kwoosi khuutsya mu mulilo kukukhasima ta. Nalundi kumukhono kwoowo kwe khu lubeka lulayi ni kuba nga kukhuyila mu khwoneka, kuremekho ukutuume aleeyi. Shiminyisa bulayi shitweela khu bisiintsa bye kumubili kwoowo khuhela, khufuurisa kumubili kwoowo kwoosi khuutsya mu mulilo kukukhasima ta.