Popular Bible Verses from Matayo 24

Share

Ne lwekhuba khukhola bye bubwonaki bililoosela naabi, khukana khwe bakali khuliwamo kamaani. Ne uyo ulihandalala khukhwolesa ibumaliliso, aliwonesebwa.

Ni kamakhuuwa kamalayi kano ke Buyiinga bwe mwikulu, kaliboolelwa mu shiibala shoosi, khuuba bujulisi mu manaambo koosi, lwanyuma intsakamo ikhoole.

Muliwulila busoolo ni tsimboolela tse busoolo, ne ni mubone muri simuyembelesebwa ta. Bino byaakha khubawo, ne intsakamo iba nga ishiili.

Linaambo lilisoolanisa linaambo lyashe, buyiinga bulisoolanisa buyiinga, iliibawo intsala ngali, ni khutengasibwa khwe shiibala khulibawo mu bisiintsa bikali. Bino nibyo bibirakikha butsiina bwe khusaala.

Likulu ni shiibala biliwawo, ne bilomo byase sibiliwawo ta.

Lwekhuba bakali baliitsa mu lisiina lyase, nga baloma bari, ‘Ise niye Kristu,’ baryo baliborosa bakali.

“Lwanyuma balibawanayo inywe, mutaambisibwe, lundi mwiriibwe, ni kamanaambo koosi kalibabiyila khubafunisa lisiina lyase. Khu mbuka nyene iyo, bakali balikhasikha mu khufukiilila khwawe, balyemo bashaawe luwomelo, lundi babiyanile bonyene na bonyene. Ulwo, baŋoosi be bubeeyi bakali baliitsa, baborose babaandu bakali.

Yezu wabelamo ari, “Ni mwiliinde ilekhe khubawo umuundu namutweela ubaborosa ta.

Ni nanywe muryo, mwakha khuuba berekefu, lwekhuba Umwaana w'Omuundu aliitsila mu saawa isi mukhamwambaasilamo ta.

Ni nashiryo, ni mube meeso, lwekhuba si mumanya shifukhu shiina khweesi Umukasya weenywe aliitsilakho ta.

“Ne bye shifukhu isho ni saawa, mbaawo ubimanya ta, ikhaba bamalayika be mwikulu namwe Umwaana ta, khurusakho Paapa yenyene.

Lwekhuba ba kristu be bubeeyi bakali ni baŋoosi be bubeeyi baliitsa bakhole bubonelo bukali ni bye kamakaanga, lwe khukana khuborosa bakali. Noola shinyalikha, ni barobole beene.

Nga ni shaba mu bifukhu bya Nowa, shiryo nga ni shiliiba mu khwiitsa khw'Omwaana w'Omuundu. Lwekhuba mu bifukhu ibyo, nga kameetsi kashiili khusalasala ta, babaandu baaba balya, nga banywa, nga bakhwalikha lundi nga bakhwalikhisa, khukhwoolesa khu shifukhu khweesi Nowa enjilila mwikhoŋolo. Nibo si bamanya shishiindu shoosi shishiitsya mu moni ta, khukhwoolesa kameetsi ni kasalasala, kabasuta boosi kabayila. Ni khukhwiitsa khw'Omwaana w'Omuundu khuliiba khuryo.