Popular Bible Verses from Matayo 21

Share

Ni muba ni khufukiilila, muliweebwa shoosi shoosi sheesi mukana mu khuloomba khweenywe.”

Yezu wabelamo ari, “Ilala ise imbaboolela inywe ndi, ni muba ni khufukiilila, mwalekha khwikanakana ta, munyala khukhola isho shishikholewele khu kusaala ku figi kuno kwe bibyaano, ni khulooselakho, munyala khuloma lukiingi luno muri, ‘Wamweene sutikha busa utsye, wituume mu nyaantsa,’ ni nasho shilikholebwa.

Lituuli lye babaandu babaaba baraangiile, ni naabo babaaba bamuloondelekho, bayokesela angaaki bari: “Hosana isi Umwitsukhulu wa Daudi, ali ni khabi uyo uwitsila mu lisiina ly'Omukasya. Hosana, angaaki lukali.”

Yezu wabaloma ari, “Sharonebwa mu byaronebwa bikhosefu shiri, ‘Intsu yase kane ilaangibwatsake intsu iye khuloomba, ne inywe mwakikalusile khuuba lifuluma lye banuuli.’ ”

“Boolela shiriimba sha Sayuuni muri, ‘Bona umuyiinga woowo etsa is'uli, umuwolu lundi nga etsila khu sikilya ni khu nyana ye sikilya.’ ”

Aryo kila Yezu abaloma ari, “Mwakhusomatsakakho bibyaronebwa bikhosefu bibiloma biri, ‘Libaale lyeesi babombekhi bekaana, lyashuukha lyekyela khuuba kumurwe kwe musoonda. Umukasya umweene niye uwakhola shino, lundi shiyaangisa mu moni tseefwe.’

“Nashiryo, imbaboolela ndi, Buyiinga bwa Wele bulibarusibwakho inywe buweebwe linaambo lilinyala lyaana bibyaano bilayi.