Popular Bible Verses from Matayo 19

Share

Yezu wabalolelela, wabaloma ari, “Isi babaandu shino sishinyalikhana ta, ne isi Wele bibiindu byoosi binyalikhana.”

Ni nashiryo, si baba bashiili babili ta, ne baba bekyelile kumubili mutweela. Aso, sheesi Wele aba watubaasile atweela, umuundu yeesi akhawukhanisa ta.”

Yezu wabelamo ari, “Simwasomatsakakho bibyaronebwa bikhosefu bibiloma biri, ‘Iburakikhilo, umubuumbi abuumba boombi umusaani n'umukhasi?’ Nio ndi waloma ari, ‘Lwe lomo yino, umusaani alilekha paapawe ni maayiwe, etubaase n'umukhasi weewe, ni nabo boombi bekyele kumubili mutweela?’

Ne Yezu waloma ari, “Ni mubalekhe babaana bafwiiti beetse isi indi, mukhabashinjilila ta, lwekhuba Buyiinga bwe mwikulu buli bwe babafwana nga bano.”

Ne bakali babaali baakiboole ari, baliiba bamalilisi, ni bamalilisi ari, baliiba baakiboole.”

Na buli mundu yeesi uwalekha tsinusu, namwe babandaaye, namwe bakooko, namwe paapawe, namwe maayiwe, namwe babaana, namwe kimikuunda khu lwase, alifuna kimilundi shitoondo khufuurisakho, lundi asikhile bulamu bubuukhawawo ta.

Yezu naye wamwiilamo ari, “Noola ukana khuuba umukwalaafu, tsya, ukulise ibyo byoosi byeesi uli nabyo, ukabile bataambi bibyaamamo, ulwo kane ube ni buyiindifu mwikulu. Lwanyuma wiitse unondelele.”

Yezu wamwiilamo ari, “Lwashiina undeeba ise khwiibyo bibiwaamba khu bilayi? Aliwo mutweela yenyene niye uli Umulayi. Ne noola ukana khukhwinjila mu bulamu, wulilatsaka kamakaambila.”

Lundi imbaboolela ndi, shili shangukho iŋamya khubirira mu mwanya kwe mpiso, khufuurisa umuundu umuyindifu khukhwinjila mu Buyiinga bwa Wele.”

Ne imbaboolela ndi, buli umuundu yeesi uwoona umukhasi weewe, khurusakho khulwe buyeyani, ne wakhwa ukuundi, aba wayeyanile.”

Lwanyuma Yezu walomela baleekelwa beewe ari, “Ilala imbaboolela ndi shiliiba shihangafu naabi umuundu umuyindifu khukhwinjila mu Buyiinga bwe mwikulu.