Popular Bible Verses from She Lukyeendo 9

Share

Ne waabalekhile inywe khuuba baalamu, ari nio abokesanise kamaani keewe nio akile shiriifwa sheewe bashiruuye mu shibala mwoosi.

Kila Umukasya alomela Musa ari, “N'utsye isi Faraawo umulomele uri Wele we ba Heburaniya, waalomile ari bari lekhuula babaandu beewe batsye nio banyalise khumwiisaaya.

Ilala ikhaba ari, khali waasiindikhile khaale buulwaale buubi bubweene bubahesa inywe mweesi khukhwaama khu shibala.

kane areere luufu luubi naabi lukhoonyake bibyaayo byeenywe. Kane tsiŋwaaŋwa tseenywe ni tsisikilya, ni tsiŋamila, ni tsikhaafu, ni kamasheese ni tsimbusi tseenywe byoosi bifwe. Ne kane Umukasya atseete bibyaayo bye ba Isiraeli, ilekhe khubawo na shitweela shishiifwa ta.

Ne ari kumukaamba, khu nyaanga nga inyene yino, akhaakile kamararara keesi mukhaabonatsakakho ta, kalakale khu Misiri. Ni nashiryo, lakila babaandu boosi ni bisolo byoosi bibiili mu Misiri, biweentse isi binyala byekama. Nga sibyekamile ta, kane byoosi bifwe.”

Kane likoshe ilyo limalatane Misiri yoosi, lireere khu babaandu boosi ni bisolo byoosi kamabiimba.” Nashiryo baatsya baayoola likoshe, baatsya isi Faraawo. Musa waalihaanya mu ngaaki nga Faraawo waaboone. Ni abweene awo, kamabiimba kaakwa khu ba Misiri, ni bibyaayo byaabwe byoosi.