Popular Bible Verses from She Lukyeendo 8

Share

Babaalakula nabo baakhaka nga ni banyala ni kamakhula kaabwe koosi ke khuulakula, bari nabo bakhole tsinyeende tsisaame, ne bakhaasikhana. Nashiryo tsinyeende tsaarama nga tsisaama khu baandu ni khu bisolo. Kila babaalakula baboolela Faraawo bari, “Kano kali kamaani ka Wele.” Ne shitweela busa, nga Umukasya n'aloma, Faraawo waarama nga ali ni shikili, waalekha khurekeeresa byeesi baaloma ta.

Kila Umukasya alomela Musa ari, “Tsya isi Faraawo, umulomele uri Umukasya walakiile ari ulekhuule babaandu beewe batsye bamwisaaye.

Ne umuyiinga n'abona ari buli shitweela sheelileyo nga abe amataayi, wookesanisa shikili sheewe luundi, nga abe Umukasya n'aloma. Umuyiinga waaloba khuuloondelela bya Musa ni Aroni.

Ne nga waalobile khubalekhuula, kane asiindikhe tsikhele tsimalatane shibala shoosi.

Kila Umukasya alomela Musa ari, “Lomela Aroni awaambe imiimbo yeewe akikhupe aasi khu lifukhuulu, likyele tsinyeende mu Misiri mwoosi.”

Ni bwasha, Umukasya waakhola nga n'aloma. Kimisame kimikali kimyeene kyengila mu lubili lwa Faraawo, ni muntsu tsye babaakaanisi beewe. Ni mu shibala she ba Misiri shoosi, sheetsula tsisame.