Popular Bible Verses from Matayo 27

Share

Ne khu saawa awo nga sheenda, Yesu waalila ni likono lye angaaki nga aloma ari, “Eli, Eli, lama sabakusani?” (Kamakhulu kaasho kari, “Wele wase, Wele wase, lwashiina iwe untsantsukhile ise?”)

Khu mbuka nyene iyo, ingubo iyaba yaatiimbibwa mu Lisaayilo Likhulu, yonuukhamo kimiluundi kibili, khukhwaama khu ngaaki khukhwoola aasi. Shibala shoosi shaanikina, ni kamabaale kaatikhakamo. Tsiŋani tsaabalukhaka, ni kimibili kye babaandu bakhosefu babaafwa khaale kyaalamusibwa.

Ne lwanyuma nga Yesu waaliliile angaaki ni likono likali, waalekhuula kumwoyo kweewe.

Umusilikhale umukhulu ni babaandi babaaba baliindile Yesu, ni baabona khunikina khwe shiibala, ni bibiindi bibyakholekha, baarya naabi, baloma bari, “Ilala umusaani yuno abeele Umwaana wa Wele.”

Khukhwaama khu saawa iye khasesaba tse mwihangilwe, khukhwoola khu saawa iye shisheenda, shishiilima shikali shaakwa khu shiibala shoosi.

Kila ndi Pilato waabareeba ari, “Ne Yesu ulaangiwa Kristo, imukhole ndyeena?” Boosi belamo bari, “Mutsaangilile khu musalaba!” Pilato waabareeba luundi ari, “Ne lwashiina? Shiibi shiina sheesi akholile?” Ne nabo belamo ni kamaani koosi bari, “Mutsaangilile khu musalaba!”