Popular Bible Verses from Yakobo 4

Share

Nashiryo, ni mwiwaaneyo mube bawolu isi Wele. Mukhupanise Sitaani, ni Sitaani kane elukhe atsye.

Ni mwisyeende aambi ni Wele, ni Wele naye kane esyeende aambi ni nanywe. Inywe mumuuli baboonaki babambaasila eyi ni neeyi, ni musaabe kamakhono keenywe, mupyeluuse kimyoyo kyeenywe.

Ni mube bawolu mu moni ts'Omukasya, ni naye kane abaniinise inywe angaaki.

Ne bubweela bweesi Wele ahaana isi babaandu nibwo bubufuura. Nisho shikila bibyaronebwa bikhosefu biloma biri, “Wele akhaandisa babeyiinga, ne bawolu abawa bubweela bweewe.”

Nashiryo, uyo yeesi umanyile shilayi sheesi akhiile khuukhola, ne waalekha khushikhola ta, aba waakholile shishoonako.

Ne nga mwaloombile simufuna byeesi muloombile ta, lwekhuuba bitsilililwa byeenywe bye khuuloomba bili biibi. Muloomba bibiindu bari nio mubiraambise mu muluungo kweenywe.

Inywe babaandu babaakhali baŋali ta, simumanya muri khukhola busaale ni shiibala khuba nikhwo khurawo busiku ni Wele ta? Buli muundu yeesi ukhalawo khukhwikhola umusaale ni shiibala, umweene aba wekholile umusiku wa Wele.

N'enga simumanya buulamu bweenywe ni bukhaabe kumukaamba ta. Bulamu bweenywe nibwo shiina? Muli busa nga namufweeli, ubonekha busa imbuka ifwiiti iri, lwanyuma waatamuukha waawawo.